Bygningsarv og ulike eldre strukturar i landskapet speglar naturbruk og kulturmark opp gjennom tidene. Mange verneverdige bygningar, særleg i utmark, vitnar om ein anna og meir utstrakt bruk av landskapet. Tap av funksjon, forfall og attgroing verkar saman, og gjer at mykje av denne bygningsarven no er truga. Dette gjeld t.d. løer og seterbygningar.
På etterspurnad kan me skaffe restaureringskyndige rådgjevarar til å utarbeide tilstandsrapportar og søknadsgrunnlag for verneverdige bygningar i kulturlandskap. Ein god tilstandsrapport og gode restaureringsfaglege råd gjev godt handtverk og større sjanse for tilslag på søknader om midlar. Den viktigaste stønadsordningen er Kulturminnefondet, sjå www.kulturminnefondet.no
