Ingvill Marit Buen Garnås, dagleg leiar. Ingvill Marit har ein mastergrad (2000) i naturforvalting frå Landbrukshøgskulen på Ås (no Noregs miljø- og biovitskapelege universitet). I mastergradsarbeidet studerte ho effektar av verkemidlar og tiltak i eit prioritert kulturlandskap. Ho har etter dette arbeidd hjå Fylkesmannen i Rogaland, Ringebu kommune, og frå 2007 har ho vore dagleg leiar av Kulturlandskapssenteret. Ho har brei erfaring med formidling, forvalting og utarbeiding av skjøtselsplanar. Ho er også ein prisløna folkesongar (kvedar) og nyttar ofte songar og soger i formidlinga si.
I tillegg til har me knytt til oss Ragnhild Bjåen som rådgjevar på beiteplanlegging i samband med restaurering og skjøtsel av ulike typar naturbeitemark. Ho blir leigd inn på oppdragsbasis. Ragnhild har ein mastergrad (1999) i husdyrfag frå Landbrukshøgskulen på Ås (no Noregs miljø- og biovitskapelege universitet), og driv i dag med mjølkeproduksjon, samt natur- og kulturformidling på fjellgarden Bjåen på Hovden.