Historikk

Etter «Nasjonal registrering av verdifulle kulturlandskap» i 1994 har fleire overlappande prosjekt vore med og sett Hjartdal og Svartdal på kartet i kulturlandskapssamanheng:

– Kulturlandskapsprosjektet i Hjartdal, Hjartdal kommune (1999–2002) Omfatta også Bondal
– Kulturlandskapsprosjektet i Svartdal, Seljord kommune (2000–2002)
– Slåttefestivalen (2000 – ), Hjartdal
– Eldhusprosjektet i Hjartdal og Svartdal (2003–2006).

I dei to parallelle kulturlandskapsprosjekta blei det lagt eit grunnlag gjennom planarbeid, informasjon og haldningsskapande aktivitetar og samarbeid. Det blei fokusert mykje på å få sett i gang konkrete tiltak, både når det gjaldt restaurering og skjøtsel av kulturmark, vøling av gamle hus og tilrettelegging av turstigar. Slåttefestivalen starta som ein bygdedag i denne fasen. I dag rommar festivalen m.a. NM i ljåslått!

Eldhusprosjektet avløyste dei to parallelle prosjekta, og var eit samarbeid mellom Seljord og Hjartdal kommunar. Fokuset blei med dette flytt over på næringsutvikling med utgangspunkt i kulturlandskap. Det blei arbeidd med produktutvikling og profilering av småskala reiseliv, gardsmats– og handverksproduksjon, i tillegg til at ein førebudde grunnen for å få på plass eit fagleg senter for kulturlandskap. Både Telegardar og Kulturlandskapssenteret i Telemark AS blei stifta som fylgje av Eldhusprosjektet.

Meir historikk om statusar og prisar: Kulturlandskap av rang